16-vjetori i Greta Koçit mbledh këngëtarët big dhe të rinjtë

Prindërit e këngëtares kanë organizuar
festën, me 150 të ftuar

Më shumë se një ditëlindje dukej si një festë këngëtarësh. Në 16-vjetorin e Greta Koçit, të mërkurën në mbrëmje te “Buda bar” janë mbledhur së bashku këngëtarë të rinj dhe të vjetër, të cilët të ftuar nga familja e Gretës nuk kanë ngurruar t’i përcjellin urimet më të mira koleges së tyre të vogël. Dhe pa dyshim ajo ka qenë mbretëresha e mbrëmjes. E veshur me një fustan të zi, tepër klasik Greta ka mbërritur në lokal rreth orës 21:00 të mbrëmjes, pasi aty ishin mbledhur gjithë të ftuarit, për të cilët duhet të theksojmë se kanë qenë të gjithë emra të njohur të skenës dhe ekranit shqiptar.