Seksi në gjimnaz, tashmë nuk është më problem

Në një studim lidhur me marrëdhëniet seksuale dhe romantike në gjimnaze konstatoi se nxënësit lidhen me njeri-tjetrin seksualisht në zinxhirë të gjatë. Ata nuk përfshihen në marrëdhënie me shumë partnerë në një kohë dhe nuk kanë partnerë të përbashkët. Ata lidhen me njeri-tjetrin në mënyrë indirekte.

Ky rezultat, që ishte i papritur për studiuesit, ndihmon që të ndërtohet strategjia për të luftuar sëmundjet seksualisht të transmetueshme midis të rinjve.

“Ne shkuam në këtë studim duke besuar se do të gjenim kryesisht këtë model marrëdhëniesh: Një grup i vogël të rinjsh që janë seksualisht aktivë dhe që i ndajnë partnerët me njeri-tjetrin. Por ne u çuditëm kur gjetëm një rrjet marrëdhëniesh krejt ndryshe ” thotë James Moody, profesor i sociologjisë në Universitetin Shtetëror të Ohio.

Në këtë zinxhir marrëdhëniesh seksuale ku përfshiheshin 52 përqind e studentëve, ata ishin të lidhur në këtë mënyrë: Studenti A kish marrëdhënie me B, dhe B kish marrëdhënie me C dhe kështu vazhdonte në një linjë për të gjithë 18 muaj që zgjati studimi.

Studentët ishte e pamundur të dinin për të gjitha lidhjet konkludojnë shkencëtarët.

“Shumica e studentëve kishin nga një partner. Ata zakonisht nuk ishin shumë të përzier seksualisht. Por ata nuk mund ta njihnin gjithë gjatësinë e zinxhirit.” Thotë profesor Moody.

Studimi u detajua në një botim të fundit të American Journal of Sociology.

Studimi u bazua në National Longitudinal Study of Adolescent Health që është një survey i studentëvenë shkollat e mesme. Prej 1000 studentëve, u intervistuan 832. Ata u pyetën të identifikojnë partnerët e tyre seksualë dhe romantikë gjatë 18 muajve të fundit. Më shumë se gjysma raportuan se kishin kryer interkursë seksuale, shifër që është rreth mesatares në Sh.B.A, thonë kërkuesit